કોડીનારના શેઢાયા અને વેરાવળના વાવડીને NQAS એવોર્ડ એનાયત

ગીર સોમનાથ જિલ્લા આરોગ્ય વિભાગ સમગ્ર જિલ્લાના છેવાડા ગામોમાં અવિરત આરોગ્ય સેવાઓ આપે છે કોડીનાર તાલુકાના છેવાડાનુ ગામ શેઢાયાને રાષ્ટ્રીય કક્ષાનો NQAS એવોર્ડ એનાયત કરવામાં આવશે. ગુણવત્તા જ્ઞાન કૌશલ્ય ઇન્ફેક્શન કંટ્રોલ અને સ્વચ્છતા લક્ષી સ્વાથ્ય સુવિધાઓ દર્દીઓમાં જાગૃતિ લાવવાની કામગીરી તથા આરોગ્યને લગતી વિવિધ પ્રકારની સુવિધાઓ પ્રધાન કરવા સબબ શેઢાયા આયુષ્યમાન આરોગ્ય મંદિરને આ એવોર્ડ એનાયત કરવામાં આવ્યો છે.

ભારત સરકાર આરોગ્ય અને પરીવાર કલ્યાણ મંત્રાલય દ્વારા ગુણવત્તા યુક્ત કામગીરી કરનાર આયુષ્યમાન આરોગ્ય મંદિર શેઢાયાને ભારત સરકાર દ્વારા રાષ્ટ્રીય ગુણવત્તા ખાતરી ધોરણ પ્રોગ્રામ હેઠળ તજજ્ઞો દ્વારા આરોગ્ય કેન્દ્રની કામગીરીનુ મૂલ્યાંકન બાદ એવોર્ડ માટે પસંદગી કરવામાં આવી છે. કેન્દ્ર સરકારના તજજ્ઞો દ્વારા શેઢાયા આયુષ્યમાન આરોગ્ય મંદિરના વિવિધ વિભાગો દ્વારા થતી કામગીરી આરોગ્ય લક્ષી સેવાઓનુ બારીકાઈથી મૂલ્યાંકન કરી તેને અહેવાલ ભારત સરકારમાં રજુ કરવામાં આવ્યો હતો. જેમાં 84.22% સ્કોર મેળવી શેઢાયા આયુષ્યમાન આરોગ્ય મંદિરને નેશનલ લેવલનુ પ્રમાણપત્ર આપવામાં આવશે.

ગીર સોમનાથ આરોગ્ય વિભાગ સમગ્ર જિલ્લાના છેવાડાના ગામોમાં અવિરત આરોગ્ય સેવાઓ આપે છે. વેરાવળ તાલુકાના છેવાડાના ગામોમાં આરોગ્ય સેવા આપતા વાવડી(આદ્રી)ને રાષ્ટ્રીય કક્ષાનો NQAS (નેશનલ ક્વોલીટી એસ્યોરન્સ સ્ટાન્ડર્ડ) એવોર્ડ પ્રાપ્ત થયો છે. વાવડી(આદ્રી) હેલ્થ એન્ડ વેલનેસ સેન્ટરના વિવિધ વિભાગો દ્વારા થતી કામગીરી આરોગ્ય સુવિધાઓ સહિત ગુણવત્તાયુક્ત કામગીરી બદલ પસંદગી થઈ છે. આરોગ્યલક્ષી સેવાઓનું બારીકાઈથી મૂલ્યાંકન કરી તેનો અહેવાલ ભારત સરકારમાં રજૂ કરવામાં આવ્યો હતો. જેમાં ૮૬.૦૨ ટકા સ્કોર મેળવી વાવડી(આદ્રી) વેલનેસ હેલ્થ એન્ડ વેલનેસ સેન્ટરને નેશનલ લેવલનું પ્રમાણપત્ર આપવામાં આવ્યું છે.