કેદારનાથમાં મોટી દુર્ઘટના: ભૂસ્ખલન થતા 5 શ્રદ્ધાળુ ખીણમાં ખાબક્યાં, બેનાં મોત, 3 ઈજાગ્રસ્ત, જુઓ વિડીયો

ગૌરીકુંડ-કેદારનાથ પગપાળા માર્ગ પર જંગલચટ્ટીમાં ભુસ્ખલનના કારણે પાંચ શ્રદ્ધાળુઓ ખીણમાં પડી ગયા હોવાના અહેવાલ મળ્યા છે. આ દુર્ઘટનામાં બેના મોત અને ત્રણ ઘાયલ થયા છે. બચાવ કામગીરી ચાલુ છે. જિલ્લા આપત્તિ નિવારણ અધિકારીએ દુર્ઘટનાની જાણકારી આપતાં કહ્યું કે, ભુસ્ખલનના કારણે શ્રદ્ધાળુઓ ખીણમાં પડી ગયા હતા. જેમાં બેના મોત થયા છે. ઉત્તરાખંડમાં છેલ્લા કેટલાક દિવસથી સતત વરસાદ થઈ રહ્યો છે. જેના લીધે ભુસ્ખલનની દુર્ઘટના વધી છે

ઉત્તરાખંડના કેદારનાથથી મોટા સમાચાર આવી રહ્યા છે, જ્યાં યાત્રા પર જઈ રહેલા કેટલાક લોકો કેદારનાથ રૂટ પર અકસ્માતનો ભોગ બન્યા હતા. અહીં ગૌરીકુંડ અને રામબાડા વચ્ચે જંગલ ચટ્ટીમાં પોલ નંબર 153 પાસે કેટલાક લોકો ટેકરી પરથી કોતરમાં પડી ગયા હતા. ગૌરીકુંડ -કેદારનાથ પગપાળા માર્ગ પર જંગલચટ્ટીમાં ભુસ્ખલનના કારણે પાંચ શ્રદ્ધાળુઓ ખીણમાં પડી ગયા હોવાના અહેવાલ મળ્યા છે. આ દુર્ઘટનામાં બેના મોત અને ત્રણ ઘાયલ થયા છે. બચાવ કામગીરી ચાલુ છે.

https://x.com/ians_india/status/1935238127322546422

મળતી માહિતી અનુસાર તીર્થયાત્રા પર જઈ રહેલા કેટલાક લોકો જંગલ ચટ્ટીમાં પોલ નંબર 153 પાસે ખાડામાં પડી ગયા, ત્યારબાદ ઘટનાની માહિતી મળતાં જ DDRF ટીમ જંગલ ચટ્ટી અને પોલીસ ઘટનાસ્થળે પહોંચી ગઈ અને તાત્કાલિક બચાવ કામગીરી શરૂ કરવામાં આવી.આ દુર્ઘટનામાં બેના મોત અને ત્રણ ઘાયલ થયા છે. .

15 જૂનના પણ એક મુસાફરનું મોત થયું હતું

આ પહેલા રવિવાર, 15 જૂનના રોજ પણ મુસાફરો સાથે અકસ્માત થયો હતો. ત્યારે પણ ભારે વરસાદને કારણે વરસાદી ગટરમાં અચાનક કાટમાળ આવતા એક મુસાફરનું મોત નીપજ્યું હતું અને બે લોકો ઘાયલ થયા હતા. આ કારણે કેટલાક લોકો કાટમાળમાં ફસાઈ ગયા હતા. કાટમાળના પથ્થરો રસ્તામાં આવી ગયા હતા, જેના કારણે ચાલવાનો રસ્તો અવરોધાઈ ગયો હતો. આ પછી, સોનપ્રયાગથી આગળ કેદારનાથ સુધીની પગપાળા યાત્રા પર પણ પ્રતિબંધ મૂકવામાં આવ્યો હતો.

પ્રશાસને યાત્રાળુઓને આ અપીલ કરી હતી

જોકે, 17 જૂને રસ્તો સાફ કરવામાં આવ્યો હતો અને યાત્રા ફરી શરૂ કરવામાં આવી હતી. હવે ટેકરી પરથી કોતરમાં પડી જવાથી બે લોકોના મોત થયા છે અને 3 લોકો ઘાયલ થયા છે. હવામાન વિભાગે ઉત્તરાખંડના કેદારનાથમાં વરસાદની ચેતવણી જારી કરી છે અને વરસાદને કારણે યાત્રા પર જતા લોકોને મુશ્કેલીનો સામનો કરવો પડી રહ્યો છે. આવી સ્થિતિમાં, પ્રશાસન દ્વારા એવી પણ અપીલ કરવામાં આવી હતી કે યાત્રાળુઓ હવામાનની આગાહી મુજબ મુસાફરી કરે.