અમદાવાદ પ્લેન ક્રેશ દુર્ઘના : MAYDAY... MAYDAY...MAYDAY પ્લેન ક્રેશ પહેલા જ પાયલટે આપ્યું હતું સિગ્નલ, જુઓ વિડીયો

આજે ગુજરાતના અમદાવાદમાં એક મોટી વિમાન દુર્ઘટના બની. અમદાવાદથી લંડન જઈ રહેલું એર ઇન્ડિયાનું વિમાન ઉડાન ભરતાની સાથે જ ક્રેશ થઈ ગયું. દુર્ઘટના સમયે વિમાનમાં લગભગ 242 લોકો સવાર હોવાનું કહેવાય છે. દરમિયાન, વિમાન દુર્ઘટના અંગે અનેક પ્રકારની માહિતી સામે આવી છે, જેમાંથી સૌથી મહત્ત્વપૂર્ણ એ છે કે વિમાનના પાયલોટે ક્રેશ પહેલા નજીકના ATC ને સિગ્નલ મોકલ્યું હતું, જે ખતરાનો અંદેશો બતાવી રહ્યો હતો અને તેની થોડી જ ક્ષણો બાદ વિમાન ક્રેશ થઈ ગયું

વિમાન દુર્ઘટના પછી DGCA દ્વારા વિગતવાર માહિતી આપવામાં આવી છે. આ મુજબ, 12 જૂન, 2025 ના રોજ, અમદાવાદથી ગેટવિક જઈ રહેલું એર ઇન્ડિયાનું વિમાન B787 (AI-171) ટેકઓફ પછી તરત જ ક્રેશ થઈ ગયું. આ વિમાનમાં કુલ 242 લોકો સવાર હતા, જેમાં 2 પાયલોટ અને 10 કેબિન ક્રૂનો સમાવેશ થાય છે. આ વિમાન કેપ્ટન સુમિત સભરવાલ ચલાવી રહ્યા હતા, જ્યારે તેમની સાથે ફર્સ્ટ ઓફિસર ક્લાઈવ કુંદર હતા. સુમિત સભરવાલને 8200 કલાક ઉડાનનો અનુભવ હતો, જ્યારે ક્લાઇવને 1100 કલાક ઉડાનનો અનુભવ હતો.

https://www.instagram.com/reel/DKy6ujJp7X5/?utm_source=ig_web_copy_link&igsh=eWZseDRzamVhODEw

https://www.instagram.com/reel/DKy9_CaJs-U/?utm_source=ig_web_copy_link&igsh=MW9xNDJqMXN3aHp1MQ==

સૌથી મહત્ત્વની માહિતી જે આપવામાં આવી છે, એ છે કે આ વિમાને અમદાવાદ એરપોર્ટના રનવે 23 પરથી બપોરે 1.39 વાગ્યે ઉડાન ભરી હતી. ઉડાન ભરતાની સાથે જ તેણે નજીકના એટીસીને MAYDAY કોલ આપ્યો હતો, પરંતુ ત્યારબાદ વિમાન દ્વારા એટીસીને કોઈ સિગ્નલ આપવામાં આવ્યું નહીં. ઉડાન ભર્યાની થોડીક જ સેકન્ડ પછી, વિમાન એરપોર્ટ પરિસરની બહાર પડી ગયું.

કોઈપણ ફ્લાઇટમાં, 'Mayday Call' એ એક ઇમરજન્સી મેસેજ છે જે પાઇલટ ત્યારે આપે છે જ્યારે વિમાન કોઈ ગંભીર મુશ્કેલીમાં હોય અને મુસાફરો અથવા ક્રૂના જીવ જોખમમાં હોય. જેમ કે વિમાનનું એન્જિન ફેલ થઈ જાય, વિમાનમાં આગ લાગી જાય, હવામાં અથડામણનો ભય હોય અથવા હાઇજેકિંગ જેવી પરિસ્થિતિ હોય. આ કોલ દ્વારા, કોઈપણ પાઇલટ એર ટ્રાફિક કંટ્રોલ (ATC) અને નજીકના વિમાનોને ચેતવણી આપે છે કે વિમાનને તાત્કાલિક મદદની જરૂર છે. વિમાનના રેડિયો પર ત્રણ વખત કહેવામાં આવે છે - "Mayday, Mayday, Mayday" જેથી તે સ્પષ્ટ થાય કે આ મજાક નથી પણ વાસ્તવિક ઇમરજન્સી છે.