મને બોલવા દેવામાં ન આવ્યું ... નીતિ આયોગની બેઠક છોડીને બહાર નીકળ્યા મમતા બેનર્જી

નીતિ આયોગની 9મી ગવર્નિંગ કાઉન્સિલની બેઠક દિલ્હીમાં ચાલી રહી છે. પીએમ મોદી આ બેઠકની અધ્યક્ષતા કરી રહ્યા છે. નીતિ આયોગની આ બેઠકમાં ભાજપ શાસિત રાજ્યોના સીએમ હાજર છે. INDIA આ બેઠકનો બહિષ્કાર કર્યો છે.

samay mirror

July 27, 2024

0

1 minute

94

નેશનલ

નીતિ આયોગની 9મી ગવર્નિંગ કાઉન્સિલની બેઠક દિલ્હીમાં ચાલી રહી છે. પીએમ મોદી આ બેઠકની અધ્યક્ષતા કરી રહ્યા છે. નીતિ આયોગની આ બેઠકમાં ભાજપ શાસિત રાજ્યોના સીએમ હાજર છે. INDIA આ બેઠકનો બહિષ્કાર કર્યો છે. કેટલાક બિન-ભાજપ શાસિત રાજ્યોના મુખ્યમંત્રીઓએ આ બેઠકમાં હાજરી આપી નથી. તેમણે બજેટમાં ભેદભાવનો આરોપ લગાવીને તેનાથી દૂરી લીધી છે. જો કે આ બેઠકમાં પશ્ચિમ બંગાળના સીએમ મમતા બેનર્જી હાજર છે. આ બેઠકમાં ઝારખંડના સીએમ હેમંત સોરેન અને બિહારના સીએમ નીતિશ કુમાર પહોંચ્યા નથી.

મમતા બેનર્જીએ નીતિ આયોગની બેઠક છોડી દીધી છે. બહાર આવ્યા બાદ મીડિયા સાથે વાત કરતા મમતાએ કહ્યું કે મને બોલવા દેવામાં આવી ન હતી. જ્યારે મેં ફંડ માંગ્યું ત્યારે મારું માઈક બંધ થઈ ગયું હતું. મને માત્ર 5 મિનિટ બોલવાની છૂટ હતી. કેન્દ્ર સરકાર બંગાળ સાથે ભેદભાવ કરી રહી છે. બિન-NDA શાસિત રાજ્યો સાથે ભેદભાવ કરવામાં આવી રહ્યો છે.

નીતિ આયોગની આ બેઠકમાં વિકસિત ભારતના લક્ષ્યને હાંસલ કરવામાં રાજ્યોની ભૂમિકા પર વિગતવાર ચર્ચા કરવામાં આવશે. બેઠકની થીમ ‘વિકસિત ભારત @2047’ છે. તેનું મુખ્ય ધ્યાન ભારતને વિકસિત રાષ્ટ્ર બનાવવાનું છે. નીતિ આયોગની બેઠક પછી, એક 'CM કોન્ક્લેવ' થશે જેમાં રાજ્યો અને કેન્દ્રશાસિત પ્રદેશોના મુખ્યમંત્રીઓ ભાગ લેશે.

આ સમયગાળા દરમિયાન, રાજ્ય સરકાર દ્વારા નીતિ આયોગને એક અહેવાલ સુપરત કરવામાં આવશે. આ અહેવાલ સાથે કેન્દ્ર અને રાજ્ય સરકારના સહયોગથી ચાલતી યોજના અંગે ચર્ચા કરવામાં આવશે. બેઠકમાં 2047 સુધીમાં 30 ટ્રિલિયન ડોલરની અર્થવ્યવસ્થા, વિકસિત રાષ્ટ્રમાં રાજ્યોની ભૂમિકા, પીવાનું પાણી-વીજળી, આરોગ્ય, શાળા શિક્ષણ, દેશ-રાજ્યોના વિકાસ માટેનો રોડમેપ, કેન્દ્ર-રાજ્ય સરકારો વચ્ચે સહકાર અને ડિજિટલાઇઝેશન જેવા વિષયો પર ચર્ચા કરવામાં આવશે.