USમાં ચૂંટણી વચ્ચે શેરબજારમાં જોરદાર તેજી, સેન્સેક્સ 79 હજારને પાર, નિફ્ટીમાં પણ ઉછાળો

અમેરિકાથી આવતા ચૂંટણી પરિણામોની અસર ભારતીય શેરબજાર પર જોવા મળી રહી છે. અમેરિકાની ચૂંટણીમાં ડોનાલ્ડ ટ્રમ્પ રાષ્ટ્રપતિ બનવાના સંકેતો મળી રહ્યા છે અને તેના કારણે અમેરિકન બજારનો ડાઉ ફ્યુચર 560 પોઈન્ટના ઉછાળા સાથે કારોબાર કરી રહ્યો છે. જેના કારણે ભારતીય બજારોમાં પણ તેજી જોવા મળી રહી છે. બુધવારે સપ્તાહના ત્રીજા કારોબારી દિવસે બોમ્બે સ્ટોક એક્સચેન્જનો 30 શેરો ધરાવતો સેન્સેક્સ તેના પાછલા બંધની તુલનામાં 295 પોઈન્ટના વધારા સાથે 79771 ના સ્તર પર ખુલ્યો. નેશનલ સ્ટોક એક્સચેન્જના નિફ્ટીએ પણ 24308.75 ના સ્તર પર મજબૂત ઉછાળા સાથે ટ્રેડિંગ શરૂ કર્યું. અમેરિકામાં રાષ્ટ્રપતિની ચૂંટણીના પરિણામોને કારણે વૈશ્વિક બજારમાં આવેલી તેજીની અસર ભારતીય બજાર પર પણ જોવા મળી છે.

તે 513 પોઈન્ટના ઉછાળા સાથે 40925 ના સ્તર પર કારોબાર કરતો જોવા મળી રહ્યો છે. જો શેર પર નજર કરીએ તો સૌથી વધુ ઉછાળો HCL, વિપ્રો અને ટેક મહિન્દ્રાના શેરમાં જોવા મળી રહ્યો છે. આજે ઈન્ફોસિસ પણ તેજી સાથે બિઝનેસ કરી રહી છે.

ઓપનિંગમાં, BSE સેન્સેક્સ 295.19 પોઈન્ટ અથવા 0.37 ટકાના વધારા સાથે 79,771 પર ખુલ્યો હતો અને NSE નિફ્ટી 95.45 પોઈન્ટ અથવા 0.39 ટકાના વધારા સાથે 24,308 પર ખુલ્યો હતો.

બેન્ક નિફ્ટી 233 અંક એટલે કે 0.40 ટકાના વધારાની સાથે 52440 ના સ્તર પર જોવા મળી રહી છે. ગઈકાલના માર્કેટમાં પણ બેંક નિફ્ટીમાં 992 પોઈન્ટના વધારા સાથે ટ્રેડિંગ બંધ થયું હતું. આજે સવારે પણ બેંક નિફ્ટીમાં જોરદાર ઉછાળો જોવા મળી રહ્યો છે.

સેક્ટોરિયલ ઈન્ડેક્સમાં આજે માત્ર મેટલ ઈન્ડેક્સમાં ઘટાડો જોવા મળી રહ્યો છે અને તે લાલ નિશાનમાં છે. સૌથી વધુ વૃદ્ધિ આઈટી, રિયલ્ટી અને ઓઈલ એન્ડ ગેસ સેક્ટરમાં જોવા મળી રહી છે. તે પૈકી, રિયલ્ટી ઇન્ડેક્સ 2 ટકાથી વધુ અને IT સેક્ટરમાં 1.24 ટકાનો વધારો નોંધાઈ રહ્યો છે. ઓઈલ અને ગેસ સેક્ટરમાં 1.04 ટકાનો ઉછાળો જોવા મળી રહ્યો છે.