બિહાર: વકફ બીલને સમર્થન બાદ આપ્યા JDUમાં હોબાળો: 2 મુસ્લિમ નેતોઓએ આપ્યું રાજીનામું

બિહારમાં બે નેતાઓએ જેડીયુમાંથી રાજીનામું આપવાની જાહેરાત કરી છે. નીતિશ કુમારની પાર્ટીના આ નેતાઓના રાજીનામા પાછળનું કારણ વક્ફ સુધારા બિલ છે. કેન્દ્ર સરકાર દ્વારા લાવવામાં આવેલા વક્ફ સુધારા બિલને પક્ષના સમર્થન અંગે આ બંને નેતાઓએ રાજીનામા દ્વારા પોતાનો અસંતોષ વ્યક્ત કર્યો છે.

આ બિલ પર, JDU ના રાષ્ટ્રીય પ્રવક્તા રાજીવ રંજન પ્રસાદે દાવો કર્યો હતો કે પૂર્વ ચંપારણના મોહમ્મદ કાસિમ અંસારી કે જમુઈના નવાઝ મલિક હવે પાર્ટીના પદાધિકારી નથી.

પૂર્વ ચંપારણમાં જેડીયુના મેડિકલ સેલના પ્રમુખ હોવાનો દાવો કરતા મોહમ્મદ કાસિમ અન્સારીએ વક્ફ (સુધારા) બિલને સમર્થન આપ્યું ન હતું અને તેને પક્ષના સમર્થનની પણ ટીકા કરી હતી. તેમણે કહ્યું કે તેમણે પાર્ટીના તમામ પદો પરથી પણ રાજીનામું આપી દીધું છે.

પાર્ટીએ મુસ્લિમોનો વિશ્વાસ તોડ્યો

JDU પ્રમુખ અને બિહારના મુખ્યમંત્રી નીતિશ કુમારને લખેલા પત્રમાં, અન્સારીએ ઊંડી નિરાશા વ્યક્ત કરી અને કહ્યું કે પાર્ટીના વલણથી લાખો ભારતીય મુસ્લિમોનો વિશ્વાસ તૂટી ગયો છે જેઓ માનતા હતા કે JDU ધર્મનિરપેક્ષ મૂલ્યોને જાળવી રાખશે.તેમણે કહ્યું કે અમારા જેવા લાખો ભારતીય મુસ્લિમોનો વિશ્વાસ તૂટી ગયો છે. અમને પૂરો વિશ્વાસ હતો કે નીતિશ કુમાર ધર્મનિરપેક્ષ વિચારધારા સાથે સંપૂર્ણપણે ઉભા રહેશે, પરંતુ એવું થયું નહીં.

નીતિશ કુમાર પરનો અતૂટ વિશ્વાસ સંપૂર્ણપણે તૂટી ગયો છે. વક્ફ સુધારા બિલ પર જેડીયુ દ્વારા લેવામાં આવેલા વલણથી લાખો સમર્પિત ભારતીય મુસ્લિમો અને કાર્યકર્તાઓને ખૂબ જ આઘાત લાગ્યો છે.

તેમણે કહ્યું કે અમે લોકસભામાં લલ્લન સિંહ દ્વારા આપવામાં આવેલા ભાષણ અને આ બિલ માટે તેમના સમર્થનથી ખૂબ નિરાશ છીએ. તેવી જ રીતે, મલિકે પોતાને JDU લઘુમતી સેલના સચિવ તરીકે ગણાવ્યા. તેમણે પોતાના પત્રમાં આરોપ લગાવ્યો છે કે વક્ફ બિલના મુદ્દા પર જેડીયુના વલણથી મુસ્લિમો અને અમારા જેવા કાર્યકરો ચોંકી ગયા છે.

આ અંગે જેડીયુના રાષ્ટ્રીય પ્રવક્તા રાજીવ રંજન પ્રસાદે કહ્યું કે અન્સારીને કોઈ ઓળખતું નથી. રાજીવ રંજને કહ્યું કે અંસારી કોણ છે? તેઓ ક્યારેય પાર્ટીમાં કોઈ મહત્વપૂર્ણ અધિકારી કે અગ્રણી વ્યક્તિ રહ્યા નથી. હું તેને ઓળખતો પણ નથી. તેમણે ક્યારેય પાર્ટીમાં કોઈ પદ સંભાળ્યું નથી, જિલ્લા સ્તરે પણ નહીં.બિહારના મુખ્યમંત્રી નીતિશ કુમારના એક સહયોગીએ જણાવ્યું હતું કે સંસદમાં વક્ફ સુધારા બિલને પક્ષના સમર્થન અંગે જેડી(યુ)માં કોઈ મૂંઝવણ નથી.