SpaceX એ નાસાના અવકાશયાત્રીઓ સુનીતા વિલિયમ્સ અને બૂચ વિલ્મોરને પાછા લાવવા માટે ક્રુ-10 મિશન ફરી કર્યું લોન્ચ

ભારતીય મૂળની અમેરિકન અવકાશયાત્રી સુનીતા વિલિયમ્સના પૃથ્વી પર પાછા ફરવાની આતુરતાથી દરેક વ્યક્તિ રાહ જોઈ રહ્યા છે. છેલ્લા 300 દિવસથી અવકાશમાં અટવાયેલી સુનીતાના પરત આવવાનું કાઉન્ટડાઉન શરૂ થઈ ગયું છે. NASA-SpaceX એ ગઈકાલે એટલે કે શુક્રવારે સુનીતા અને બૂચ વિલ્મોરના પરત આવવા માટે ક્રૂ-10 મિશન લોન્ચ કર્યું હતું. આ મિશન ફાલ્કન 9 રોકેટ દ્વારા લોન્ચ કરવામાં આવ્યું હતું.

આ મિશન આજે ઇન્ટરનેશનલ સ્પેસ સેન્ટર પહોંચશે. સુનીતા અને બુચ 20 માર્ચ પછી પરત ફરે તેવી શક્યતા છે. વાસ્તવમાં, આ ક્રૂ-10 મિશનનું લોન્ચિંગ બુધવારે મોકૂફ રાખવામાં આવ્યું હતું કારણ કે તેની હાઇડ્રોલિક સિસ્ટમમાં કેટલીક સમસ્યાઓ હતી, જેના કારણે તેનું લોન્ચિંગ અટકાવવું પડ્યું હતું. શુક્રવારે આ મિશન સફળતાપૂર્વક લોન્ચ કરવામાં આવ્યું હતું. આખી દુનિયા સુનીતાની ધરતી પર પાછા ફરવાની રાહ જોઈ રહી છે.

સુનીતા અને બૂચની વાપસી અંગે નાસાના કોમર્શિયલ ક્રૂ પ્રોગ્રામ મેનેજર સ્ટીવ સ્ટિચે કહ્યું છે કે તેઓ આ મિશનથી ખૂબ જ ખુશ છે. તેમણે કહ્યું કે બૂચ અને સુનીતાએ ખૂબ સરસ કામ કર્યું છે અને અમે તેમને પાછા લાવવા માટે આતુર છીએ. નવી ટીમ અવકાશમાં પહોંચ્યાના બે દિવસ પછી, અવકાશયાત્રીઓ પૃથ્વી પર તેમની પરત યાત્રા શરૂ કરશે.

સુનીતા છેલ્લા 9 મહિનાથી અવકાશમાં અટવાયેલી છે

58 વર્ષની સુનીતા અને 61 વર્ષીય બુચ 8 દિવસ માટે અવકાશમાં ગયા હતા. 5 જૂન, 2024 ના રોજ, તેણે બોઇંગના સ્ટારલાઇનર અવકાશયાનમાં ઉડાન ભરી. સુનીતા જ્યારે પરત ફરી રહી હતી ત્યારે સ્ટારલાઈનર અવકાશયાનના થ્રસ્ટરમાં ટેકનિકલ ખામી સર્જાઈ હતી. ત્યારથી સુનીતા અને બૂચ અવકાશમાં અટવાયેલા છે. લગભગ 9 મહિના થઈ ગયા. નાસા અને સ્પેસએક્સ તેમની પરત ફરવા માટે સંયુક્ત રીતે મિશન ચલાવી રહ્યા છે.

અમેરિકી રાષ્ટ્રપતિ ડોનાલ્ડ ટ્રમ્પે સુનીતા અને બૂચને પરત લાવવાની જવાબદારી એલોન મસ્કને સોંપી છે. સુનીતા 9 મહિનાથી વધુ સમયથી અંતરિક્ષમાં છે. આ સાથે, તે સૌથી વધુ સમય સુધી અવકાશમાં સતત રહેનાર પ્રથમ મહિલા બની ગઈ છે. જોકે, સુનીતાનો આ પહેલો રેકોર્ડ નથી. તેમણે 2006-07માં તેમની પ્રથમ અવકાશ યાત્રામાં 29 કલાક અને 17 મિનિટ સુધી સ્પેસવોક કર્યું હતું.

આ અત્યાર સુધીની સૌથી લાંબી રેકોર્ડેડ સ્પેસવોક હતી જે કોઈ મહિલા દ્વારા કરવામાં આવી હતી. આ પહેલા આ રેકોર્ડ અવકાશયાત્રી કેથરિન થોર્નટનના નામે હતો. તેણે 21 કલાકથી વધુ સ્પેસવોક કરવાનો રેકોર્ડ બનાવ્યો હતો.